Biznesmeni serbo-boshnjak Damir Fazlic, i njohu për lidhjet e tij të forta me Sali Berishën kur ishte kryeministër, ka komentuar zgjedhjen e Lulzim Bashës në krye të PD-së.
Në një twitter në faqen e tij ai e ka krahasuar zgjedhjen e Bashës me zgjedhjet në Korenë e Veriut, një vend komunist diktatorial, dhe vetë Bashën me një personazh të famshëm hollivudian, Forest Gump (një i ri me autizëm).
Më tej ai e quan zgjedhjen e Bashës një vdekje të partisë më të madhe shqiptare.
“Forest Gump fitoi, stli koreano-verior. RIP partia më e madhe në historinë e Shyqipërisë”- shkruan biznesmeni.
Ky qëndrim publik i zotit Fazlic vjen surprizë, Fazlic dikur u hetua nga prokuroria në Tiranë për pastrim parash dhe favorizim prej ish-qeverisë Berisha.
Ky reagim duket suprizë duke menduar lidhjet e ngushta që ky biznesmen ka pasur me Berishën dhe vetë Bashën kur PD-ja ishte në pushtet.
Në vitin 2015, Gjykata e Tiranës vendosi të sekuestrojë kompaninë e tij në Porto Romano pasi rezultoi debitor i një banke të nivelit të dytë në Shqipëri.
Pati dhe një urdhër arresti për akuzën e pastrimit të parave, por nuk u ndalua kurrë nga policia./tesheshi.com/
