Biskotat mund të jenë ndër produktet ushqimore më të përdorura, të cilat kanë funksione të ndryshme. Ato mund të shoqërojnë kafen e mëngjesit, mund të përdoren në vend të një vakti të bollshëm në mëngjes, për të mos dalë nga shtëpia me stomakun bosh, apo edhe në pasdite për të futur diçka në gojë, veçanërisht tani në vjeshtë e dimër, të shoqëruara me çaj. Më poshtë po ju tregojmë si të përgatisni biskota me kafe, për një pasdite të shijshme.
Përbërësit:
400 gr miell
250 gr margarinë
200 gr sheqer
6 luge kafe të ftohtë
2 sheqer vanilje
2 luge kakao
1 pluhur për pjekje
Udhëzimet:
Margarina e mbajtur në temperaturë ambienti tundet me sheqerin dhe sheqer vaniljen.
Shtohet kafeja, mielli, pluhuri për pjekje dhe kakao.
Pasi masa përzihet mirë, me dorë marrim nga masa dhe formojmë toptha të vegjël të cilët i shtypim pak me dorë dhe i radhisim në ndonjë kallëp për pjekje të mbuluar me letër për pjekje.
Piqen në temperaturë 180 gradë për 10 minuta./tesheshi.com/
