Bisedimet për arritjen e një marrëveshjeje për programin bërthamor të Iranit janë në fazën finale. Kështu beson ministri i Jashtëm francez, Laurent Fabius i cili ishte mes atyre negociatorëve në Vjenë që kanë shpresë për një marrëvesje historike.
Marrëveshja do të impononte limite në programin bërthamor të Iranit në këmbim të lehtësimit të sanksioneve ekonomike. Ministri i Jashtëm Iranian, Javad Zarif tha se bisedimet do të zgjaten deri të hënën dhe jo më shumë, por theksoi se mbetet shpresëplotë.
Sekretari amerikan i Shtetit, John Kerry gjithashtu paralajmëroi se mbeten të pazgjidhura tema madhore, mirë shprehur shpresë.
Ndërkaq, Fabius, i cili anuloi një udhëtim në Afrikë për të qëndruar në bisedime, tha: “Shpresoj se po hyjmë më në fund në fazën finale të këtyre negociatave maratonë. Kam besim”.
Një burim qeveritar gjerman tha se është ende e mundshme që negociatat të dështojnë mirëpo mund të arrihet shpejt edhe një marrëveshje nëse Teherani është i gatshëm të ndërmarrë hapat e fundit. “Negociatat janë absolutisht në fazën finale dhe vazhduan intensivisht gjatë natës”, tha burimi, cituar nga agjencia Reuters. /tesheshi/
