Panelet hidro revolucionare të Source Global kushtojnë rreth 2000 dollarë për copë dhe krijojnë ujë të pijshëm nga ajri, duke e transportuar atë në vendet ku ka mungesë të madhe.
Ato janë mjaft të ngjashme me panelet diellore, por kanë një ndryshim domethënës: në vend të energjisë elektrike prodhojnë ujë.
Në vitin 2014, CEO i kompanisë, Cody Frisen, shpiku këto hidropanele në Arizona. Një vit më vonë, ai themeloi kompaninë e tij, Source Global. “Ne përdorim energjinë diellore dhe ajrin për të prodhuar ujë të pijshëm kudo në botë”, shpjegon Ceo.
Si funksionojnë
Panelet hidroelektrike të Source Global mbledhin avujt e ujit nga ajri. Më pas i ruajnë në panel. Duke përdorur nxehtësinë e diellit, sistemi konverton avujt e ujit në lëng, i cili mblidhet në një rezervuar brenda panelit dhe në fund lirohet si ujë i pastër.
Panelet fillestare kushtojnë rreth 2000 dollarë për copë. Deri në vitin 2018, Frisen kishte instaluar një seri prej 40 hidropanelesh në Kenia. Aktualisht, panelet hidroelektrike Source janë të disponueshme në 52 vende. Në vende si India, ku 800,000 fshatra nuk kanë akses në ujë të pijshëm të pastër, kjo teknologji do të ishte një shpëtimtar, tha ai.
Vlen të përmendet se sipas informacioneve nga CNBC, kompania ka mbledhur 150 milionë dollarë nga investitorët, duke përfshirë Bill Gates Breakthrough Energy Ventures, BlackRock, Duke Energy dhe Lightsmith Group. /tesheshi.com/
