Një javë para se të nisë ndeshja që hap sfidën e kuqezinjve në Europianin e Francës, pikërisht ajo me Zvicrën, biletat kanë arritur çmime rekord.
Në ditën e parë të daljes së biletave në treg, më e lira kushtonte 25 euro në kategorinë 3 (pas portave) ndërsa sot ka mbetur vetëm një kategori ku mund të blesh bileta online ku çmimet variojnë nga 380 dollarë në 579 dollarë amerikanë.
Në një nga sitet zyrtare, ku mund të blihen biletat online çmimet fillojnë zyrtarisht nga 230 USD por nuk ka bileta të disponueshme dhe shtohen edhe komisionet e agjencisë.
Deri në mesditën e të premtes për ndeshjen Shqipëri Zvicër që do të zhvillohet në orën 15.00 të datës 11 qershor 2016 në Lens të Francës, ishin të disponueshme vetëm 53 bileta.
Afërsia e shumë qyteteve evropiane ku jetojnë shumë shqiptarë me Lensin dhe kërkesa e fortë për biletat për ndeshjen e parë të Shqipërisë në finalet e Evropianit shtuar dhe faktin që luajmë përballë Zvicrës që ka 6 shqiptarë në formacion e për më tepër një derbi mes dy vëllezërve Xhaka kanë rritur andrenalinën për ndeshjen dhe për pasojë edhe çmimet e biletave.
/tesheshi.com/
