Presidenti i ri i Brazilit, Jair Bolsonaro, u betua në ditën e parë të Vitit të Ri, ku në fjalimin e tij, ish- kapiteni i ushtrisë braziliane premtoi të luftojë korrupsionin dhe krimin e dhunshëm.
Bolsonaro, erdhi në pushtet si reaksion ndaj pakënaqësisë masive të votuesve mbi korrupsionin politik, krimet e mëdha dhe fuqinë ekonomike në rënie të vendit.
Ai është presidenti i parë i djathtë i Brazilit që nga diktatura ushtarake tre dekada më parë, simpatizant i hapur i saj.
Bolsonaro, 63 vjeç, ka shkuar nga një kongresmen i margjinalizuar në një udhëheqës, të cilin shumë brazilianë presin të kundërshtojnë korrupsionin dhe dhunën e përhershme.
Presidenti i ri i Brazilit është gjithashtu simpatizant i Presidentit Trump, i cili në inaugurimin e tij i dërgoi Sekretarit të Shtetit Mike Pompeo.
Bolsonaro paralajmëroi me një deklaratë se ai do të lëvizte ambasadën braziliane në Izrael nga Tel Avivi në Jerusalem, duke njoftuar një ndryshim të madh në politikën e jashtme të vendit, i cili do të mbështetet kryesisht në Shtetet e Bashkuara.
Një e treta e kabinetit të tij përbëhet nga ish-oficerë ushtarakë, të gjithë përkrahësit e regjimit ushtarak në pushtet nga viti 1964 deri më 1985. /tesheshi.com/
