Media botërore i kanë kushtuar hapësirë të veçatë thirrjeve të kryeminstrit Zaev drejtuar votuesit maqedonas, për t’i thënë me patjetër “Po” marrëveshjes me Greqinë, në referendumin e pritshëm të 30 shtatorit për emrin e ri.
Në në një intervistë me Agence France-Presse, Zaev gati u përcolli një ultimatum atyre, me nuanca presioni, kur tha se ose të pranojnë emrin e shtetit të ri, ose “të përballen me paqëndrueshmëri dhe izolim në të ardhmen”.
Megjithatë, Zaev shprehu bindjen se maqedonasit do dijnë të bëjnë zgjedhjen e duhur atë ditë.
“Jam shumë i bindur se referendumi nuk do të marrë parasysh edhe opsionet e tjera”, tha Zaev për AFP.
Pyetja në referendum është: “A jeni për anëtarësim në Bashkimin Evropian dhe në NATO duke pranuar marrëveshjen ndërmjet Republikës së Maqedonisë dhe Republikës së Greqisë?”.
I gjithë ky zhvillim shihet si një betejë e radhës mes Perëndimit dhe Rusisë, për influencën në rajon.
Një sondazh i kryer nga Qendra për Hulumtime të financuara nga SHBA në korrik, tregoi se 57 përqind e të anketuarve mbështesin ndryshimin e emrit.
Liderë evropianë dhe amerikanë u kanë bërë gjithashtu thirrje maqedonasve që të pranojnë emrin e ri, sepse e shohin atë si një mënyrë për ta vënë këtë shtet në mënyrë të vendosur në sferën perëndimore dhe për të ndalur ndikimin e Rusisë aty, komentojnë media të ndryshme. Dhe dhe i gjithë faktori ndërkombëtar i ka sytë te Maqedonia.
Sekretari amerikan i Mbrojtjes, Jim Mattis do jetë në Shkup këtë të hënë për të “treguar mbështetje për ofertën e Maqedonisë për në NATO dhe vazhdimin e angazhimit amerikan për paqen dhe sigurinë në rajon ne”, tha Pentagoni.
Mattis, më parë këtë javë zbuloi se ishte i shqetësuar për përpjekjet e dyshuara të Rusisë për të ndalur rrugën e Maqedonisë drejt NATO-s.
Moska nga ana e saj nuk e pranon këtë qasje, por e kundërshton gjithsesi përhapjen e Aleancës në Lindje.
Këtë muaj, Maqedonia u vizitua nga kancelarja gjermane Angela Merkel, kancelaria austriak Sebastian Kurz, sekretari i përgjithshëm i NATO-s, Jens Stoltenberg dhe kyediplomatja e Brukselit, Federica Mogherini.
Mbështetja është dhënë dhe presidenti Trump në mesazhin e tij të urimit me rastin e Ditës së Pavarësisë të Republikës së Maqedonisë më 8 shtator.
Marrëveshja midis Shkupit dhe Athinës dhe “anëtarësimi i Maqedonisë në NATO do të forcojë sigurinë, stabilitetin dhe prosperitetin në të gjithë rajonin”, tha Trump.
“Shtetet e Bashkuara janë gati të mbështesin Maqedoninë, veçanërisht në bisedimet e ardhshme për anëtarësimin në NATO”, tha kreu i SHBA.
Pas referendumit, maqedonasit duhet gjithashtu të ndryshojnë emrin e tyre në parlament duke ndryshuar Kushtetutën, gjë që kërkon një shumicë prej dy të tretash dhe pastaj Greqia do të ratifikojë marrëveshjen.
Zaev, një socialist pro-evropian në drejtim të ndryshimit të emrit, ka një opozitë të fortë në vend, kryesisht midis nacionalistëve.
Që me ardhjen në pushtet, ai nisi negociatat më Athinën për t’i dhënë fund një ngërçi gati 25-vjeçar me fqinjin jugor, i cili nuk ja pranonte emrin “Maqedoni” me pretendime historiko-gjeografike. Por tashmë gjithçka është zgjidhur mes tyre nga një marrëeshje dypalëshe në nivel kryeministrash, nënshkruar pak më parë në Prespë. Emri ri do të jetë Republika e Maqedonisë Veriore. Por nuk është kaq e thjeshtë, ngase e gjitha po zhvillohet në sfondin e një përpjekje për ndikim në rajon, ku hahen si gjithnjë Rusia me faktorin Perëndimor. /tesheshi.com/
