Një zhvillim i ri ka ndodhur të premten brenda opozitës maqedonase. Një ndër krerët e BESA-s, Bilall Kasami, ka patur një takim me liderin e partisë së re, Uniteti, Gëzim Ostrenin.
Ky i fundit njihet si një ish-shok armësh me Ali Ahmetin, por që së fundi është ndarë prej tij dhe BDI-së, duke dalë me një alternativë të re politike.
Prej takimi të tyre nuk ka ndonjë përfundim konkret, por zëra të ndryshëm e shohin atë si një përafrim që nesër mund të finalizohet me një kualicion.
Vetë partia e Ostrenit quhet UNITET-i, çka është një mesazh se ai e do unitetin në funksion të kauzës politike shqiptare në Maqedoni, ndërkohë që dhe BESA ka përcjellë mesazhin se ajo është e hapur dhe mirëpret çdo bashkëpunim me partitë e tjera nëse ka përputhje në vizionin bazë, atë të përmisimit të gjendjes së shqiptarëve në Maqedoni. /tesheshi.com/
