Në selinë e lëvizjes BESA në Shkup, sot ishte hapur dera për “mort”.
Njerëzit, kryesisht të rinjtë e kësaj partie prisnin gjithkënd që vinte duke u ofruar cigare për kryeshëndoshë, sipas traditës.
Njërëzit flisnin mirë siç flitet për gjithkënd që ndërroj jetë dhe pret ditën e gjykimit.Po në fakt nuk bëhej fjalë për një frymor, por një metaforë që kjo lëvizje politike e përdori për të ndërgjegjësuar publikun e mpleksur keqas.
Në 14 vjetorin e nënshkrimit të Marëveshjes së Ohrit, lëvizja Besa e ka shpallur të vdekur dokumentin I cili ishte projektuar të sjellë kohezion ndëretnik në Maqedoni, ndërkohë që forumi rinor I kësaj force politike, në formë sarkazmi kishte improvizuar një ceremonial pritjeje ashtu siç është zakon kur ngushëllohen familjarët të cilët humbin një anëtarë të familjes.
Lëvizja Besa konstaton se kur kishte lindur, dokumenti ishte menduar të jetë kornizë e cila do të sjellë barazi mes popujve por që me kalimin e kohës ajo u bë mjet që I punësonte aktivistët partiakë, të cilët do të shërbenin si mbledhës votash dhe asgjë më shumë, gjë e cila rëndoi shëndetin e saj derisa e paralizoi tërësisht dhe e solli në gjendje të vdekjes klinike. Vrasësit e marëveshjes për lëvizjen Besa janë ata politikanë të cilët kishin kompetenca për ta implementuar ndërsa në bazë të inicijaleve të prezentuara lehtë mund të shihet se për kë aludojnë:
“Personat që dyshohet se e kanë kryer këtë vrasje janë me inicijale AA dhe MTH, por në interes të hetimeve emrat e tyre nuk publikohen. Pritet që së shpejti të kapen dhe të dënohen para gjyqit të popullit.
Po ashtu janë ngritur dyshime edhe për porositësin e vrasjes së saj, që mendohet të jetë personi NG, po ashtu I njohur për organet e përgjimeve si njeri me dosje të rëndë kriminale”, tha Fuat Saiti nga Forumi Rinor I Besës.
Ndërsa, Rilindja Demokratike Kombëtare thekson se afati i Marrëveshjes së Ohrit ka skaduar që në vitin 2004 dhe tani më kjo marrëveshje vendin e ka në sirtarët e e bibliotekave të universiteteve të ndryshme brenda dhe jashtë vendit.
Rilindja Demokratike Kombëtare thekson se “është absurde dhe ironi në vete të vazhdohet të flitet për implementimin e Marrëveshjes së Ohrit që i ka skaduar afati para 11 vitesh. Tani, të gjithë jemi dëshmitarë se kjo marrëveshje parandaloi kryengritjen e armatosur të shqiptarëve në vitin 2001 dhe me të gjitha të mirat dhe të këqijat që i ka ngërthyer në veti, kësa marrëveshjeje i duhet dhënë një vend të merituar në botën akademike dhe asgjë më shumë”.
/tesheshi.com/
