Kreu i Parlamentit Europian, Antonio Tajani do jetë kandidati i Forza Italia-s për kryeministër. Ai ka pranuar ftesën që i është bërë nga ana e Berlusconi-it duke shkruar në Tëitter:
“E falënderoj për vlerësimin e treguar ndaj meje. I dëshmova gatishmërinë time për t’i shërbyer Italisë”.
Paralajmërimin e kishte dhënë vetë Berluscon-i ditë më parë se zgjedhja e tij ishte Tajani, pasi vetë “kavaljeri”, për shkak të një vendimi gjyqësor nuk mundet të ringjitet në postin e kryeministrit apo të mbajë ndonjë post tjetër publik.
Antonio Tajani ka qenë dikur zëdhënës i Berluscon-it, e ky i fundit tha se e vlerësonte për ngjitjen në karrierë deri në postin e kreut të Parlamentit Europian.
Zgjedhjet e 4 marsit në Itali kanë si risi pikërisht rikthimin e Berluscon-it si aktiv në politikë, për vetë moshën e thyer, 80-vjeç. Sondazhet e deritanishme e nxjerrin në krye, por nuk përjashtohen suprizat. /tesheshi.com/
