Ish-kryeministri shqiptar, Sali Berisha, ka trazuar ujrat pikërisht pas samitit të Vjenës ku u vendos një qëndrim për një klimë bashkëpunimi dhe paqeje në Ballkan. Agjencia e lajmevve shqip në Maqedoni Iliria, citon Berishën të ketë thënë se Federalizimi i Maqedonisë është mundësia e vetme për zgjidhjen e krizës ndëretnike.
Sipas agjencisë Iliria, këtë e ka theksuar ish- kryeministri i qeverisë shqiptare, Sali Berisha, i cili edhe më andej është lider shpirtëror i të djathtës në Shqipëri. Berisha, thekson se për të pasur një stabilitet paqësor në Maqedoni është e nevojshme që të garantohet një autonomi e lartë rajonale e tipit të shteteve multietnike perëndimore si është federalizmi ose konfederata.
“ Në vitin 1992 u pranova në vizitë tek ish- kryetari francez Fransua Miteran dhe biseduam për rënien e Federatës Jugosllave. Qartas u bë fjalë edhe për Maqedoninë”, theksoi Berisha dhe shtoi se në këtë takim e ka sjellë edhe vlerësimin për gjendjen e shqiptarëve në Maqedoni, por edhe nevojën për një autonomi të zgjeruar, përkatësisht federalizim. /tesheshi.com/
