Pak ditë më parë ish-kryeministri Sali Berisha bëri një deklaratë të fortë duke i cilësuar këshilltarët elektoralë të Lulzim Bashës si mizerabël.
Kjo ishte hera e parë që Berisha shprehej kaq ashpër që pas humbjes së PD-së në zgjedhjet e 25 qershorit, ku morri një rezultat edhe më të dobët se ai i 4 viteve më parë, kur kjo parti drejtohej nga ish-kryeministri.
Deklarata e Berishës nuk është shoqëruar me komente, madje edhe vetë Basha kur është pyetur nuk ka dhënë një përgjigje mbi akuzat e Berishës.
Të njëjtin qëndrim ka mbajtur edhe deputetja Grida Duma, e cila nuk ka preferuar të bëjë komente. Ajo u shpreh se nuk mund të komentojë mbi asnjërin prej kolegëve, anëtarëve dhe kontribuesve të PD-së, ndërsa i ka cilësuar raportet me Berishën si normale, njëlloj si me të gjithë kolegët. /tesheshi.com/
