Një ministër i qeverisë serbe i bën presion Gjykatës së Hagës, që të mos marrë tani dëshminë e Vojislav Sheshelit, i cili akuzohet për krime lufte në Kroaci, Bosnjë dhe Kosovë dhe pritet të merret vendimi final për dënimin e tij.
Aleksandër Vulin, Ministri për Marrëdhëniet me Tribunalin e Hagës, i kërkoi zyrtarisht Gjykatës së OKB-së që të shtyjë afatin e vendimit për Shehelin dhe ta pyesë atë pas zgjedhjeve parlamentare në Serbi që zhvillohen në mars.
“Gjykata nuk ka arsye ta pyesë, Vojislav Sheshelin tani dhe për çdo rast ajo duhet të presë zgjedhjet”, tha Ministri i Punës, Çështjeve Sociale dhe Veteranëve, Aleksandër Vulin për Tanjug.
Ndërkaq, më herë kreu i Këshillit për marrëdhënie me Hagën, Rasim Ljajiç tha se gjykata e ka mbajtur të fshehur vendimin për Sheshelin dhe pritet ta bëjë publik më 12 Mars.
Por Vulin, tha që nuk ka pse Gjykata Ndërkombëtare të bëjë për 12 ditë atë që nuk e ka bërë në 12 vjet.
E gjithë çështja ka shpërthyer pasi Gjykata e Hagës nuk e ka informuar Serbinë se kur do ta bëjë publike vendimin për ish-liderin e radikalëve serbë dhe forcave paramilitare Vojislav Sheshel.
Në nëntor 2014, Sheshel u lirua për arsye shëndetësore, pasi u mbajt i paraburgosur për 11 vjet.
/tesheshi.com/
