Beogradi nxit trazira në Kosovë para dialogut Prishtinë-Beograd që do të zhvillohet ditën e nesërme në Bruksel.
“Patatja e nxehtë”, Asocacioni i Komunave Serbe është çështja që pritet të ketë diskutimin dhe përplasjen më të madhe. Agjencia shtetërore e lajmeve Tanjug ka transmetuar deri tani 8 shkrime të njëpasnjëshme për këtë çështje, kur realisht i “hedh benzinë zjarrit”.
“Hapet kapitulli për Asocacioni i Komunave” është titulli i një shkrimi të agjencisë serbe, e cila më pas citon Vetëvendosjen se do të ketë trazira në Kosovë. Pesë prej këtyre shkrimeve janë nga Kosova – korrespondenca nga Prishtina, Mitrovica e Leposaviqi.
Në një korespondencë të Tanjugut citohet zv.kryeministri Hashim Thaçi i cili thekson se BKS (bashkësia e komunave serbe) nuk do të ketë kompetenca ekzekutive. Ndërkaq, duke cituar krerët e Lëvizjes Vetëvendosje theksohet se: “Lista serbe është formacion çetnik”.
Ndërkaq, kryenegociatorja e Kosovës me Beogradin, Edita Tahiri, pret që nesër të nënshkruhet marrëveshja për BKS. Por agjencia Tanjug, ka intervistuar Nexhmedin Spahiun, i cili i cilëson kërënimet e Vetëvendosjes si të rrezikshme nëse pushteti i mbështet.
Ndërkaq, në një korespondencë nga Leposaviqi citohet kreu i kësaj komune Çorac i cili thotë: Pres marrëveshje për Asocacionin e Komunave, por Vetëvendosje kërcënon për dhunë. Ndërkaq, në një shkrim nga Beogradi, Tanjug citon kryenegociatorin serb Mariç i cili thotë se pret që nesër të arrihet marrëveshja. Kjo strategji e serbëve është që nesër në Bruksel të dalin me një teze që Prishtina po nxit destabilitetin.
Kryeministri serb Aleksandër Vuccicc, tha sot në një konferencë për shtyp. Se oo shkojmë në Bruksel për t’u marrë vesh me Prishtinën dhe atje nuk do të pranojmë asgjë që është në kundërshtim me interesat e Serbisë dhe të serbëve të Kosovës. Vuçicc, tha se pas rundit paraprak kishte vlerësuar se delegacioni i Prishtinës “kishte ardhur të mos nënshkruaj asgjë”, por tani shpreson që kjo të ketë ndryshuar.
Nesër zhvillohet në Bruksel raundi i 28-të i nivelit të lartë kryeministror, para të cilit mbahet një takim në nivel teknik. Në tavolinë bisedimesh të kryeministrave Isa Mustafa e Aleksandar Vuçiç përsëri do jenë katër çështje të diskutuara edhe në dy raundet e kaluara, në 23 dhe në 29-30 qershor: Parimet themelore për Asociacionin e komunave me shumicë serbe, kodi telefonik, energjia dhe ura mbi lumin Ibër në Mitrovicë.
Sipas deklaratave në qeverinë e Kosovës, për Asociacionin e komunave janë përafruar qëndrimet, jo të Statutit, por vetëm të parimeve themelore, për kodin telefonik marrëveshja është e përfunduar praktikisht, ndërsa çështjet e marrëveshjes për energjinë dhe lidhur me urën mbi Ibër nuk janë përfunduar dhe kanë mbetur që të diskutohen në vijim.
Qëndrimi që ka prezantuar Kosova në raundin e 27-të kryeministror në Bruksel është që të bëhen përpjekje që këto katër marrëveshje të përfundohen dhe që si pako të realizohen, duke e nënshkruar secila veç e veç.
“Është vazhduar të punohet edhe gjatë kësaj periudhe me Brukselin, po më tepër në nivel teknik, sa i përket përafrimit të disa zgjidhjeve lidhur me Asociacionin e komunave, ka akoma çështje të hapura, dhe ne do të mundohemi që të gjitha këto çështje t’i përafrojmë”, është shprehur kryeministri Mustafa në konferencën e fundit për shtyp në Prishtinë, këtë muaj, duke iu përgjigjur interesimit të medias.
“Kur flitet për përafrimin, ne insitojmë në ate dhe do të qëndrojmë në mënyrë konsekuente që Asociacioni të mos ketë asnjë përgjegjësi ekzekutive dhe të mos jetë pushtet i tretë në Kosovë. Po, të gjendet mënyra se si Asociacioni do të përkrahë, do të ndihmojë zhvillimin ekonomik, kulturor, arsimor edhe zhvillimin tjetër të komunave me shumicë serbe”, ka theksuar kryeministri kosovar, Mustafa.
Në Bruksel, kryeministrat Mustafa e Vuçiç do zhvillojnë takimin e pestë të tyre, ndërsa nga 27 raundet deri tani të dialogut Prishtinë-Beograd në nivel të lartë, 23 ishin mes kryeministrave të atëhershëm Hashim Thaçi e Ivica Daçiç.
Kosova dhe Serbia në procesin drejt normalizimit të marrëdhënieve, të kryesuar nga BE e mbështetur nga SHBA, takimin e parë kryeministror në Bruksel e kanë zhvilluar në 19 tetor 2012. Bisedimet në nivel kryeministrash kanë pasuar dialogun teknik, të filluar në 8 mars 2011, poashtu në Bruksel, ku në krye të delegacionit kosovar ishte Edita Tahiri atëherë zëvendëskryeministre, tani ministre e Dialogut me Beogradin.
/tesheshi.com/
