Ledian Memushaj do të luajë për Beneventon në sezonin e saponisur të Seria A. Mesfushori shqiptar ka marrë viston nga klubi i rënë në kategorinë e dytë,
Marrëveshja mund të mbyllet në shifrat e 700 mijë eurove. Kjo shifër është vërtet gati 3 herë më e ulët sa 2 milionët e propozuara nga Bolonja më herët, por drejtuesit e klubit, kanë preferuar ta shesin lojtarin “aty ku kanë dashur”.
Por e “bukura” e nënshkrimit të kontratës, është fakti se klubi dhe lojtari, do të hedhin firmat, vetëm pasi Memushaj të ketë luajtur qoftë edhe 1 minutë në ndeshjen e rradhës së Beneventos.
Vetëm atëherë, Peskara do të lëshojë kartonin e tij përfundimisht. Në fillim të merkatos, Memushaj ishte shumë pranë kalimit te Bolonja e Donadonit, e më pas, te Spal. Ish kapiteni i Peskarës, preferoi të qëndronte në Itali, edhe kur stërvitësi i tij tek Kombëtarja e Shqipërisë, Tramezani, e ftoi t’i bashkohej Sionit. /tesheshi.com/
