Deputeti i Partisë Socialiste të Shqipërisë, njëherit shkrimtari Ben Blushi i cili po qëndron në Kosovë ka thënë se opozita kosovare nuk po e gjen veten ende në suazat e një loje politike.
“ Diferenca që ka Kosova me Shqipërinë është se Shqipëria është optimiste ndërsa Kosova pesimiste. Kosova sot nuk prodhon progres, ka nevojë për të emigruar, ka një opozitë e cila akoma nuk e gjen vetën në suazën e një loje të rregullt politike”, ka thënë Blushi, në debatin e hapur të organizuar nga Lëvizja ‘FOL’.
Situatën momentale politike në Kosovë, Blushi e ka përshkruar si më të vështirën që nga shpallja e pavarësisë.
“Mendoj se ky është momenti më i vështirë nga pavarësia e deri më sot, Kosova mbetet ishulli më optimist ku jetojnë shqiptarët dhe Prishtina është vendi ku shqiptarët qeshin më së shumti” ka thënë Blushi.
/tesheshi.com/
