Mërgim Mavraj, një nga mbrojtësit më të mirë të kombëtares shqiptare do të jetë gati për Serbinë, pas një dëmtimi të gjatë.
Pas dëmtimit të rëndë në gju, lojtari i talentuar e kishte ëndërr të bëhet gati për ndeshjen me Serbinë. Falë punës së një fizioterapistit të talentuar shqiptar, Mavraj do të jetë në dispozicion të teknikut De Biazi.
Qëndërmbrojtësi kuqezi, Mërgim Mavraj, ka lënë pas dëmtimin e rëndë që pësoi sezonin e shkuar në gju, duke iu rikthyer seancave stërvitore me skuadrën e tij Këlnin. 29-vjeçari ka zhvilluar ushtrimet e para duke vapruar bashkë me pjesën tjetër të skuadrës, duke dhënë shenja të mira për rikuperimin e tij. Mavraj nuk pritet që të aktivizohet direkt me ekipin e tij, por do të shfrytëzojë mundësinë që të kapë formën e tij optimale. Ky rikthim është një lajm i gëzueshëm për teknikun Gianni De Biazi në prag të përballjes shumë të rëndësishme që kuqezinjtë do të përballen ndaj Serbisë në “Elbasan Arena” më 8 tetor dhe për transfertën ndaj Armenisë.
/tesheshi.com/
