Komisioni Evropian do të propozojë një plan që mbështet punën afatshkurtër në të gjithë kontinentin, për të ndihmuar bizneset dhe punëtorët të luftojnë goditjen ekonomike të shkaktuar nga pandemia e virusit koronar.
Presidentja e Komisionit Evropian Ursula von der Leyen ka thënë se drejtuesit e BE-së do të prezantojnë një mjet të ri të quajtur “Sure” – një iniciativë për të cilën ajo tha se do të mbështetet nga 27 shtete anëtare të BE-së dhe do të ndihmojë vendet e goditura nga kriza, raporton Reuters.
Von der Leyen tha që plani do të lehtësonte efektet e krizës ekonomike duke ndihmuar punëtorët të mbajnë punën e tyre. Ajo thotë se kompanitë nuk duhet të pushojnë punëtorët, edhe nëse fitimet e tyre janë zvogëluar nga kriza pandemike.
Von der Leyen tha që plani gjithashtu do t’i ndihmojë ekonomisë “të fillojë” pa vonesë të mëtejshme, pasi të jenë hequr masat e izolimit në të gjithë kontinentin. /tesheshi.com/
