Bashkimi Evropian ka në plan të zhbllokojë 1 miliard euro për Ukrainën, që vendi i përfshirë nga një konflikt në një pjesë të tij, të dalë nga kriza e rëndë ekonomike. Kjo, në bazë të një memorandumi të nënshkruar nga zyrtarët e Kievit dhe Brukselit.
Kjo ndihmë do të jepet me kusht që Kievi të zbatojë disa masa për të luftuar korrupsionin dhe do të jetë Fondi Monetar Ndërkombëtar që do financojë më pas rindërtimit të Ukrainës.
Ndër masat e kërkuara është se Ukraina duhet të sigurojë fonde të mjaftueshme për krijimin e një gjykate special për çështjet e korrupsionit dhe vendosjen e një kontrolli me sistem elektronik për të raportuar pasuritë e zyrtarëve të lartë.
Ukraina, e cila në vitin 2014 ra në një krizë të thellë ekonomike, deri më tani ka marrë 2.8 miliardë euro ndihmë nga BE-së, sipas një deklarate nga Komisioni Evropian në Ukrainë.
Brukseli megjithatë refuzoi të lëshojë një këst shtesë prej 600 milionë dollarë ndaj Kievit vitin e kaluar, për shkak se nuk i plotësonte kushtet e nevojshme. /tesheshi.com/
