Bashkimi Europian dhe Turqia kanë pranuar këtë të hënë të hapin një kapitull të ri bisedimesh dhe negociatash me Ankaranë, për mundësitë e pranimit në BE.
Ministrat turq u takuan me homologët e tyre të BE-së në Bruksel dhe formalizuan marrëveshjen e hartuar muajin e kaluar në një samit të veçantë, për të nisur negociatat për politikën ekonomike dhe financiare me Turqinë.
“Është një hap i rëndësishëm i cili është vlerësuar nga Turqia”,- tha Jean Asselborn, ministri i Jashtëm i Luksenburgut.
Turqia nisi negociatat për në Bashkimin Europian në vitin 2005. Deri këtë javë vetëm 14 nga 33 kapitujt të cilat vendet kandidate për në BE duhet të negociojnë për tu bërë anëtare të BE-së, janë hapur dhe vetëm njëri prej tyre ka përfunduar.
Kapitulli i fundit është hapur në vitin 2013, por diskutimet kanë ngrirë për shkak të regjimit autoritar të Presidentit Turk Recep Tayyip Erdoğan dhe dështimit në zgjidhjen e çështjes së Qipros./tesheshi.com/
