Zgjedhje të parakohshme parlamentare që do të mbahen në prill të vitit 2016, por pasi më herët të pastrohen listat e votuesve, proces ky i përcjellur me elemente tjera që kanë të bëjnë me legjislacionit zgjedhor.
Kjo është marëveshja të cilën e aritën udhëheqësit politikë; Nikolla Gruevski, Zoran Zaev, Ali Ahmeti dhe Menduh Thaçi në rezidencën e ambasadorit të BE në Shkup, Aivo Orav, pas takimit të cilin e ndërmjetësuan eurokomisioneri Johannes Hahn, dhe ambasadori amerikan Jess Bailey.
Pas përfundimit të bisedimeve intensive i vetmi që foli për rezultatin e takimit ishte Komisioneri Han, i cili në emër të liderëve politik të vendit njoftoi se javën e ardhshme në Bruksel do të mbahet një raund i ri i negociatave, të cilat do të përcaktojnë detajet e marrëveshjes së arritur sot.
Han nuk përmendi asgjë në lidhje me çështjen për krijimin e një qeverie kalimtare, ndërsa nuk foli as për insistimin e mëhershëm që LSDM të kthehet në parlament.
/tesheshi.com/
