Zëdhënësi i BDI-së, Buajr Osmani takimin e mbrëmshëm të kreut shtetëror e ka quajtur një takim inekzistent dhe privat.
“Besoj se ajo mbledhje është inekzistente ose private pasi Gjorge Ivanovin e konsiderojmë si jolegjitim. Por sidoqoftë është takimi i një anshëm ku nuk marrin pjesë përfaqësues të bashkësive etnike në vend që edhe më shumë e arsyeton iniciativën e BDI-së të aso kohe për president koncensual, tani shifet qartë se sa e drejtë ishte dhe çfarë pasoja ka zgjidhja e një anshme e tij, por sidoqoftë do të rrumbullaksoja se bëhet fjalë për një mbledhje inekzistente për Këshillit e Sigurisë” tha Osmani.
Në këtë takim të kreut shtetëror të thirrur nga presidenti Ivanov nuk ishte i pranishëm asnjëri nga krerët qeveritarë shqiptarë, por ekskluzivisht një takim i kreut shtetëror i përbërë nga funksionarët maqedonas. Në këtë takim u dënua incidenti në Goshincë dhe se është kërkuar syçeltësi dhe mobilizim i institucioneve të sigurisë.
