Më mars të vitit 1998 forcat Serbe sulmuan një nga figurat më luftëtare të Ushtrisë së Kosovës, në Provincën e Prekazit, ku si pasojë e luftimeve humbën jetën më shumë se 50 anëtarë të familjes Jashari, si dhe luftëtari heroik i Kosovës Adem Jashari.
E vetmja që arriti të mbijetojë në familjen Jashari ishte Besarta, mbesa e vogël e kësaj familjeje, e cila në atë moshë ishte vetëm 10 vjeç.
BBC i ka bërë një portret figurës së heroit legjendar, ku bashkë me mbesën e Adem Jasharit ka udhëtuar për në banesën e tij të djegur nga serbët, në Prekaz. Ja se si shprehet mes emocionesh Besarta për xhaxhanë e saj…
“Për axhën tim Ademin, kujtoj shumë gjëra. Më kujtohet kur… Gjithmonë ka pat qejf kur ishim të dy … kur ishim ne fëmija duke lujt, me ardh… kena qenë shkurt, një familje e lumtur. Gjithmonë Ademi u mundu me na largu edhe atë çka po ndodhte në Kosovë”.
Ajo vijon më tej duke treguar se kur ka ndodhur ngjarja ka qenë vetëm 10 vjeç ndërsa kujton se nëna mundohej ti mbante pranë dhe të mos i linte të frikësoheshin, duke u dhënë bukë edhe ujë.
Besarta tregon në rrëfimin e saj për BBC se cila ishte dhoma ku qëndronte e gjithë familja, venedin ku qëndronte ajo me mamanë e motrat e saj dhe gjyshja. “Pasi janë afru serbët këtu, unë u largova nga kjo dhomë dhe shkova në dhomën tjetër pranë axhës Adem. Isha aty kur ata gjuajtën me granata, por nuk u plagosa. Erdhën serbët për të parë se kush ishte gjallë. Më panë mua që isha gjallë dhe më kanë marrë, më kanë çu në një fushë jashtë tek shtëpia”,- thotë Besarta.
Ajo tregon se gjatë rrugës kishte të parë të motrën që ishte gjallë por që nuk e lanë ta ndihmonin e më pas e hipën në një makinë.
“Sa herë bi me flejt, kur mbyll sytë, më kujtohet shumë shesh ajo se ç;ka ka ndodh. Nuk e di pse, por muj me thanë se kjo është veç punë e Zotit, pse nuk jam vrarë,”- përfundon tregimin e saj Besarta Jashari, mbesa e Adem Jasharit./tesheshi.com/
