Kreu demokrat Lulzim Basha ka kërkuar një angazhim të plotë të deputetëve të PD-së. Në mbledhjen e kryesisë së grupit parlamentar, ku marrin pjesë edhe drejjtuesit e komisioneve parlamentare, Basha tha se nuk duhet të ketë më angazhime të pjesshme të deputetëve.
Me tone të ashpra, Basha kërkoi të caktohen datat dhe kalendari për mbledhjen dhe përgatitjen e të gjithë deputetëve për ligjet dhe oponencën në Parlament dhe në publik, si dhe ditët e takimeve me qytetarët në zonat elektorale.
“Deputetët do të funksionojnë ndryshe. Puna e deputetëve është me kohë të plotë, jo me të pjesshme. Duhet disiplinim të punës, për të arritur efiçencën dhe opozitarizmin. Nuk mund të lejohen më angazhime të pjesshme me disa orë.
Deputetët do të angazhohen çdo ditë me kohë të plotë si ligjvënës dhe në shërbim të qytetarëve.
Të caktohen ditët e kalendarit për mbledhjen dhe përgatitjen e deputetëve për ligjet dhe oponencën në Parlament dhe në publik, si dhe takimet me qytetarët në zonat elektorale.
Të gjithë deputetët të jenë aktivë, asnjë i mënjanuar”, mësohet të jetë shprehur Basha. /tesheshi.com/
