Pas Prishtinës dhe Deçanit, kryebashkiaku i Tiranës Lulzim Basha është shpallur edhe Qytetar Nderi i Mitrovicës. Ky vendim është marrë unanimisht nga Kuvendi Komunal i Mitrovicës për kontributin ndaj çështjes së Kosovës gjatë kohës që punonte në UNMIK.
Në maj të vitit të kaluar kreu i opozitës Lulzim Basha u shpall Qytetar Nderi i Prishtinës dhe 3 ditë më parë këtë titull ia dha edhe Deçani. Çmimi si “Qytetar Nderi” do t’i dorëzohet Bashës të martën në Pallatin e Kulturës “Rexhep Mitrovica”, gjatë veprimtarive kushtuar rivarrimit të eshtrave të Isa Boletinit.
