Kreu demokrat Lulzim Basha ka reaguar përmes një komenti në rrjetet sociale në lidhje me komentet dhe deklaratat e kryeministrit Edi Rama në atë që quhet “komunikimi javor”.
Basha është shprehur se kryeministri nuk ndjen asnjë lloj detyrimi për qytetarët, por vetëm për kriminelët që herë i lejon të arratisen e herë i fsheh urdhërarrestet ndërkombëtare.
“Edi Rama nuk e ka ndërmend tu vijë në ndihmë 30% të familjeve që nuk blejnë dot ushqime, 39% të familjarëve që nuk paguajnë dot faturat e dritave dhe ujit, 43% të familjeve që nuk sigurojnë dot ngrohje për fëmijët. Përkundrazi ai duke futur biznesin e vogël në skemën e tvsh, do të rrisë çmimet dhe vështirësojë edhe më shumë jetën për shqiptarët.
Sepse Edi Rama nuk ndjen detyrim për qytetarët, vetëm për kriminelët që e mbajtën në pushtet. Prandaj çdo ditë të qeverisjes së tij ia kushton krimit dhe kriminelëve, herë duke mbyllur sytë para hashashizimit të vendit, herë duke ndihmuar kriminelet të arratisen e herë duke fshehur urdhërarrestet ndërkombëtare për ta”, shkruan Basha në rrjetet sociale. /tesheshi.com/
