Në një takim që kreu i PD-së, Basha ka patur në selinë blu me ambasadorin Christopher R. Hill, i pranishëm këto ditë në Tiranë për shkak të një dekorimi nga presidenti Nishani, ai është ankuar diplomatit të njohur amerikan mbi politikën e Ramës në qeverisje. Siç bëhet me dije nga Zyra e Shtypit e PD-së, Basha i ka shprehur z. Hill shprehu shqetësimin e rritjes dhe kultivimit të drogës, e cila është shtrirë në të gjithë vendin. Kjo është pasojë direkte, sipas tij, e kriminalizimit të politikës dhe administratës.
”Edi Rama promovoi në poste kyçe në administratë dhe futi në Kuvendin e Shqipërisë persona të dënuar për trafik droge, të cilëve edhe sot vazhdon t’u japë mbrojtje duke sfiduar haptas ligjin e dekriminalizimit i cili u mundësua me mbështetjen e madhe të SHBA”, mësohet t’i ketë thënë Basha.
Dhe po ashtu sipas njoftimit nga ish-selia e SHQUP-it, ambasadori Hill ka vlerësuar kontributin e Bashës në miratimin e ligjit të dekriminalizimit, duke theksuar se kriminalizimi ka ndikuar negativisht në imazhin e Shqipërisë dhe është e pamundur që një vend të kërkojë të bëhet pjesë e Bashkimit Europian kur nuk ka një administratë dhe parlament të pastër.
Siç dihet, ekziston një traditë e politikanëve shqiptare që t’u ankohen të huajve për të pabërat e kundërshtarëve, në kushte pushteti apo opozite qoftë. /tesheshi.com/
