Lideri i opozitës Lulzim Basha, deklaroi se Partia Demokratike nuk ka draft të ri për reformën në drejtësi, por vetëm disa amendamente të akorduara nga Komisioni i Venecias.
Ndërkohë një javë më parë, përpara selisë së PD-së, Basha deklaroi se ekspertët e opozitës kanë gati një draft të ri.
I ftuar në emisionin “Të Paekspozuarit” të Ylli Rakipit, Basha theksoi se “Është bërë një lojë dhe është e drejtë. 6 herë e dëgjuam Ramën ne jemi për reformën, sikur ne jemi kundër reformës. Ky është investimi më madhor i Edi Ramës në këto 2 vite. Ta marrim këtë çështje me arsye.
Arsyeja është kyçi i përparimit. Në kushtet që qeverinë e kemi denoncuar për afera deri në palcë, si mund që PD-ja, të mos ketë interes në një mekanizëm gjyqtarësh dhe prokurorësh të pavaruar që të nisin hetimet dhe gjykime për persona me pushtet.
Kjo s’ka sens t’i thuash PD-së s’e do.
Për PD-në një drejtësi e pakapur, do të ishte një aleat i opozitës si institucion, për të denoncuar krimin. Strategjikisht ky është qëndirmi ynë. Shpresat tona për një reformë të vërtetë të këtij lloji kanë qenë të zbehta”.
/tesheshi.com/
