Nga Korça ku ka patur ndalesën e radhës, kreu demokrat Basha u ndal tek ARMO-ja, kompania e falimentuar, ku dhe aty ka gjetur arsye për të akuzuar kryeministrin Rama.
“50 milionë euro taksa të papaguara do të mjaftonin që të gjithë të rinjtë që dalin nga shkolla, afër 30 mijë në vit, të paguheshin një vit nga shteti me 300 mijë lek të vjetra në muaj për të bërë stazhe”, theksoi Basha, duke i zhvendosur akuzat tek TVSH-ja e biznesit të vogël që futet së shpejti në veprim.
“Zero taksa për hotelet e reja me pesë yje që do të ndërtohen si lavatriçe të parave të pista. 20% më shtrenjtë, nga buka, tek veza, tek vaji, gjithçka që blihet në dyqane”, theksoi kreu demokrat.
Basha ka ndërmarrë një tur në të gjithë Shqipërinë, me synim mobilizimin e elektoratit për protestën e paralajmëruar të 27 janarit kundër qeverisë. /tesheshi.com/
