Kreu demokrat Basha ishte në Kavajë për të denoncuar TVSH-në ndaj biznesit të vogël.
Ai tha se kjo nismë qeveritare u morr pa miratimin e FMN-së, e ndërkohë që sipas tij është kundërshtuar dhe nga ekspertë financash dhe ekonomie.
Basha i nxiti përfaqsuesit e biznesit të vogël në qytetin që për shumë vite u njoh si bastion i PD-së, që të ngrihen e të protestojnë
“Ne nuk kemi asnjë detyrë të rëndësishme si demokratë, si Parti Demokratike, unë si kryetar i saj sesa të jemi në krahun tuaj. Ndaj dua ta mbyll me këtë zotim: Jemi, do të jemi në krahun tuaj kudo që të ngriheni, mos kini frikë! Ngrihuni, Partia Demokratike, demokratët do të jenë në krahun tuaj. Do të jemi në krahun tuaj derisa ta fitojmë këtë betejë”, theksoi kreu demokrat. /tesheshi.com/
