Në një nga takimet elektorale në kuadër të zgjedhjeve në qytetin e Dibrës, kreu i PD-së, Lulzim Basha ka bërë me dije se rreth 200 socialistë dibranë kanë zgjedhur t’i bashkohen të djathtëve, të zhgënjyer nga ngjarjet në qytetin e tyre.
Në fjalën e tij Basha tha se mes aleancës me një tufë horrash dhe banditësh për të ardhur në pushtet, PD do të zgjedhë gjithmonë aleancën me shqiptarët e ndershëm dhe socialistët e ndershëm.
“Sot na bashkon një hall i madh që ka kapur jo vetëm degën e socialistëve të Dibrës, por anembanë Shqipërinë. Sepse një grusht njerëzish, jo socialistët, vendosin kush do punësohet, kush merr tenderat, kush merr pasuritë e shqiptarëve”, ka deklaruar Basha.
Ai ka akuzuar edhe kandidatin e majtë për Dibrën, i cili sipas tij “nuk është kandidat i PS, por i një allishverishi që dorëzon me letra 50 për qind të pushtetit”. /tesheshi.com/
