Mesazhet e pasdites nga çadra e opozitës i janë adresuar dhe ndërgjegjes europiane, pasi siç tha kreu i saj, Basha beteja për zgjedhje të lira bëhet dhe për një Europë më të sigurt
“Beteja jonë për zgjedhje të lira, për demokraci të vërtetë dhe për një Shqipëri të lirë nga droga dhe krimi nuk është vetëm për fatin e shqiptarëve dhe të ardhmen e Shqipërisë. Kjo është betejë edhe për Europën, edhe për Amerikën, sepse është betejë për vlerat e përbashkëta dhe për sigurinë e përbashkët”.
“Një Shqipëri demokratike dhe e fortë kontribuon në partneritetin strategjik dhe sigurinë Euro-Atlantike. Ndërsa një Shqipëri që ka humbur kontrollin e territorit dhe të kufijve, me një qeverisje të kapur nga krimi sjell pasiguri për Europën dhe kthehet në konsumator të partneritetit strategjik me Shtetet e Bashkuara të Amerikës. Liria, demokracia dhe mirëqeverisja janë të vetmet garanci për stabilitetin, sigurinë dhe mirëqenien, për sot dhe për nesër”, shtoi më tej kreu demokrat.
Ndërkohë, nga faktori ndërkombëtar ende nuk ka një zë favorizues për aksionin opozitar që ka kaluar tashmë gjashtëdhjetëditëshin. tesheshi.com/
