Kreu demokrat Basha tha se ka zgjedhur t’i shpërfillë të gjitha kritikat që në adresë në programit të tij ekonomik, ndaj të cilit reguan shumë zëra ekonomikë edhe jashtë politikës, duke e quajtur të pamundur.
“Unë nuk kam ndërmend të harxhoj as një sekondë kohë me sulmet e tyre, sulmet e tyre janë çertifikata e dështimit të tyre 8-vjeçar, tha Basha në një takim me përfaqësues të ekonomisë fason.
Sipas tij, ka një lajm të mirë nga ky sektor.
Lajmi i mirë është që si pasojë e zhvillimeve globale, tregjet kryesore ku ju çoni produktin tuaj po mendojnë të zhvendosin apo të fuqizojnë zinxhirin e furnizimit, që do të thotë që në qoftë se Shqipëria njësoj si vendet e tjera të rajonit tonë janë gati, kontratat tuaja mund të rriten, mund të shumëfishohen dhe aftësia juaj për të punësuar më shumë njerëz dhe për t’i paguar më mirë mund të rritet.
Natyrisht për këtë ju duhet të keni në krah shtetin. Ajo që kemi prezantuar nuk është program mrekullish, është program normalizimi dhe rimëkëmbje ekonomike.
Ato nuk janë premtime, janë angazhime.
Propozimet tona janë të qarta dhe janë të provuara që funksionojnë. Taksa e sheshtë 9% është një ulje jashtëzakonisht e madhe krahasuar me taksën 15% që ju paguani”, argumentoi Basha. /tesheshi.com/
