Ish-kreu i PD-së Lulzim Basha “la në fuqi” akuzat e kryeministrit Rama ndaj partisë së tij për Kosovën dhe kërkoi që të votohej rezoluta e paraqitur nga PS kundër raportit të Dick Marty-it.
Por Basha kërkoi që të miratohet dhe një rezolutë e paraqitur nga PD-Alibeaj mbi Kosovën, e ardhur fill pas asaj për Srebrenicën, ku dy PD-të rivalizuan në krijimin e kurtheve politike për PS-në.
“Ndër vite ka patur përpjekje të vazhdueshme për të manipuluar faktet, për t’i ikur të vërtetave siç ka ndodhur edhe në raportin e Dick Martit. Një raport ‘fake’, sepse sot është e qartë se pas tij fshihen strukturat serbe.
Na takon ne të jemi sot zëri i viktimave të atij genocidi, të jemi edhe zëri i Kosovës. Në këtë mënyrë ne i japim edhe më shumë zë në arenën ndërkombëtare të vërtetës së hidhur të genocidit dhe spastrimit etnik të kryer në Kosovë”, ishte arsyetimi i Bashës. /tesheshi.com/
