Kreu demokrat Basha ishte në Vorë, ku gjatë një fjalë në publik mes përkrahësve, tha se 16 shkurti do jetë dita e ndarjes me qeverinë e Ramës. Ai përmendi vizitën e rivalit politik në Saudi, duke e quajtur atë një bredhje
“Rama bredh nga Berlini tek sheikët e Arabisë Saudite dhe kthehet për të nxjerrë gjuhën në parlament. Më 16 shkurt nuk do të ketë fjalime, zëri i vetëm që do të dëgjohet është zëri juaj”, tha Basha.
Kreu demokrat pati dhe një rikthim të zona e “Astirit”, ku mes banorëve protestues tha se Rama duhet të veprojë pa ardhur 16-ta.
“Në 16 shkurt nuk është më koha për fjalë sepse fjalët janë thënë. Edi Rama ka kohë deri në 15 shkurt që t’i japë zgjidhje politike krizës duke u larguar. Në 16 shkurt mbarojnë fjalët e politikës dhe është koha e zërit të qytetarëve. Një ditë e re do të vijë me qëndresën tuaj. Të gjithë bashkë më 16 shkurt para Kryeministrisë”, u shpreh Basha. /tesheshi.com/
