Në një dalje të ngjashme me atë të Ramës në orët e pasdrekës, kreu demokrat Basha bëri të njëjtën gjë, ku gjatë një bashkëbisedimi me gazetarët përsëriti kredon se ai nuk po lufton për pushtet.
“Kjo nuk është luftë për pushtet dhe për karrige.
Është luftë për transformim që të ndryshojmë këtë sistem të qelbur. Nëse do të ishte luftë për pushtet e karrige, do të kalonim nga një krizë tek tjetra.
Prandaj nuk kam dëgjuar këshillat e disa miqve që të hyjmë në zgjedhje, megjithëse sondazhet na favorizojnë”, tha Basha.
Basha paralajmëroi Ramën përpara protestës tjetër të programuar për pasditen e së hënës, në të njëjtën orë 18:30, duke thënë se: “Në prag të protestës kombëtare të thirrur nesër, në 18:30, dua t’i bëj një paralajmërim të qartë kreun e klikës në pushtet: Mos i kalo caqet, mos u fshih pas blindave të Gardës. Në rastin më të mirë do të lutesh të kesh fatin e Nikola Gruevskit”, tha Basha. /tesheshi.com/
