Kreu i opozitës Lulzim Basha, nga Burreli joshi gratë që t’i bashkohen kauzës demokrate.
“Jo më kot në programin tonë për qeverisjen e pas 25 Prillit gruaja zë një vend të veçantë dhe ne e kemi futur në program nën një titull mund të them i cili është i thjeshtë për t’u kujtuar ‘grua e fortë, Shqipëria e fortë’. Por nuk është i lehtë për t’u zbatuar.
Që të zbatohet na duhet ndihma e të gjithë nënave, e të gjithë bashkëshorteve, e gjithë motrave dhe grave shqiptare e gjithë vajzave shqiptare”, u tha Basha atyre.
Ndër premtime, Basha tha se gratë do paguhen njësoj si burrat.
“Si mund të kemi ne fëmijë të shëndetshëm dhe një të ardhme të sigurt në qoftë se nuk garantojmë pagë të barabartë për kushte të barabarta, jo me letër por me fakte, dhe ky është një prioritet i programit dhe i planit tonë të hartuar me disa nga ekspertët dhe zonjat më të nderuara të Partisë Demokratike, eksperte po kështu të shoqërisë civile”, tha Basha. /tesheshi.com/
