Politika shqiptare u përballë këtë të dielë në Shkodër, duke konçiduar simbolikisht prezente ditën e 2 prillit. Pasi kryministri Rama foli në Asamblenë Socialiste mbledhur pikërisht në qytetin verior bastion të së djathtës, ishte kreu opozitës që iu përgjigj atij flakë për flakë, në lidhje me ftesën për të dalë nga çadra dhe për t’u ballafaquar me popullin me 18 qershor.
“Në kushtet e një deliri që buron nga aleanca e rinovuar mes politikës dhe krimit, e rinovuar jo thjesht me krimin politik që përgjaku Shkodrën dhe gjithë Shqipërinë para 26 vitësh por, e rinovuar nga aleanca e politikës me krimin e organizuar, deliri i pushtetarëve të sotëm thotë atë që nuk ia zinte goja, as diktatorit të fundit; se demokracia mundet të bëjë edhe pa opozitën, se zgjedhje mund të ketë edhe pa opozitën. Sot e deri në fitoren e betejës që kemi vendosur më 18 shkurt, zotimi ynë është dhe mbetet: zgjedhje të lira dhe të ndershme të standardit europian dhe Republikë e Re e demokracisë, lirisë dhe drejtësisë së vërtetë”, tha Basha. /tesheshi.com/
