Kreu demokrat Basha paralajmëroi “re të zeza në qiellin e negociatave”, pas një takimi që pati me kreun e diplomacisë hollandeze në Tiranë, Stef Blok.
Sipas tij, Amsterdami është ndër ato vende që kërkojnë rezultate konkrete për ta dhënë një “ok”.
“Qëndrimi i Holandës vijon që të jetë i drejtë, por strikt, Shqipëria duhet të plotësojë kriteret dhe këtu nuk ka asgjë të re, ky është qëndrimi i atyre që duan të mirën e vendit”, deklaroi Basha, duke shpalosur sërish qëndrimin për nisjen e protestave.
“Opozita do të udhëheqë protestat deri në largimin e qeverisë. Ditën e shtunë do të marrim vendimin për nisjen e protestave. Kjo qeveri ka rënë. Sezoni i protestave që do të nisë do të jetë një mundësi për të folur hapur, për të ndarë me ata vizionin për të nesërmen, për dekriminalizimin e zgjedhjeve. Këto çështje parashtrova me ministrin Blok”, theksoi Basha. /tesheshi.com/
