Ka zgjedhur pikërisht Kukësin, qytetin e vetëm ku PD-ja fitoi më 23 qershor, për të bërë thirrje për mosbindje civile.
Turi i Bashës nëpër qytete e fshatra të Shqipërisë ka arritur kështu në një pikë kulmore të ligjërimit politik, pikërisht me thirrjen për mosbindje civile, që përkthehet si refuzim i njerëzve për të paguar detyrimet ndaj shtetit, por dhe aspekte të tjera të zbatimit të ligjit.
Basha e përligji këtë qëndrim esktrem kur tha se “shteti që ndërtohet për shtetarët meriton të përmbyset me çdo formë, me çdo mjet demokratik popullor”.
Dhe ka reaguar menjëherë selia rozë, ku deputeti Alfred Peza akuzoi Bashën se është i vetmi politikan në 23 vjet që u bën thirrje qytetarëve që mos zbatojnë ligjin. /tesheshi.com/
