(Fotot nga Agim Dobi)
Një numër i madh besimtarësh myslimanë përcollën me nderime efektivin e RENEA-s Ibrahim Basha, vëllain e tyre siç besimtarët i drejtohen njëri-tjetrit, i cili humbi jetën nga breshëria e plumbave të një grupi të armatosur në fshatin e Lazaratit.
Trupi i pajetë i 31-vjeçarit i cili dërroi jetë në krye të detyrës u përcoll me namazin e xhenazes në Xhaminë e Et’hem Beut. Myftiu i Tiranës Ylli Gurra, tha se “Ai ishte Vëllai ynë një agjërues i ditëve të para që nuk do të kursente as jetën as gjakun, as familjen për të qenë atje ku Zoti e thotë në kuran: Atje ku atdheu e kërkon, ku shërbimi e kërkon, ku zemra e secilit prej nesh rreh të jetë në shërbim të Zotit. Sot po përcjellim një nga djemtë e mrekullueshëm, besimtar i denjë që la pas 9 motra, një baba i përkushtuar. Sa ç’ishte e shenjtë jeta e oficerit aq është i shenjtë edhe ndëshkimi i kujto që ngriti dorën ndaj tij. Oficer Brahimin e përcjellshim për Xhehnet”, u shpreh Myftiu i Tiranës. /tesheshi.com/
