Në një raport të sajin Banka Botërore thekson se ekonomia shqiptare ka një trend stabilizimi por jo rigjallërimi. Duke vlerësuar performancën e qeverisë, BB thekson se ende nuk ka pasur një nivel të tillë të ardhurash që do të sjellin investime publike që do të rigjallërojnë ekonominë.
Banka Botërore vlerëson se rritja e ekonomisë shqiptare u përshpejtua në vitin 2015 dhe pritet të vazhdojë trajektoren pozitive edhe gjatë tri viteve të ardhshme, megjithëse nën kapacitetet që ka.
BB vëren se konsolidimi fiskal është mbështetur kryesisht tek shpenzimet, ndërsa të ardhurat nuk arritën parashikimet, pavarësisht masave të reja tatimore.
Rishikimin me ulje me të rritjes ekonomike , në 2.7 përqind nga 3 përqind që ishte parashikimi fillestar, BB e lidh me dy faktorë kryesorë; së pari me përmbytjet që goditën jugun e vendit dhe dëmtuan të mbjellat dhe së dyti me pakësimin e prodhimit të naftës, si përgjigjie ndaj rënies së çmimeve në tregjet ndërkombëtare.
/tesheshi.com/
