Bangladeshi, shtet fqinj me Mianmarin, ka pritur deri më tani rreth 400 mijë myslimanë Rohingya, të cilët po i largohen dhunës së forcave të sigurisë.
Por duket se mes dy vendeve po rriten tensionet për faktin se Bangladeshi pretendon se në të paktën 3 raste avionë dhe helikopterë të Mianmarit kanë shkelur hapësirën ajrore të vendit fqinj.
Autoritetet vendase i kanë dorëzuar një notë proteste të dërguarit të Mianmarit ku i argumentojnë shkeljen e hapësirës dhe e paralajmërojnë se këto veprime mund të kenë pasoja.
Ministria e Punëve të Jashtme të Bangladeshit, tha se avionët dhe helikopterët e Mianmarit, kanë fluturuar në hapësirën ajrore të këtij vendi të dielën, të martën dhe të enjten e javës që po mbyllet.
Ata thanë se një paralajmërim i është dorëzuar të dërguarit të Mianmarit dhe se “aktet provokuese” mund të kenë pasoja.
Zëdhënësi i presidentit, Zaw Htay, tha se ushtria e Mianmarit i kundërshton shkeljet e hapësirës ajërore të Bangladeshit, dhe se ushtria po e hulumton këtë çështje. /tesheshi.com/
