Taulant Balla u bë zyrtarisht ministër i Brendshëm, i pesti në radhë në qeverisjen 10-vjeçare të PS-së, duke pasuar Blendi Çuçin, i rënë pas rastit të dhunës së Rajave në Fushë Krujë, ngjarje që nxorri në pah kompromentimin e rëndë të Policisë lokale.
Kjo është hera e parë që Balla, një zyrtar partiak që kur u shfaq në kohën e Nanos në PS, merr një post të lartë qeveritar, siç është ai i ministrit të Brendshëm.
Pasi u votua në parlament, Balla shkroi në rrjete:
“Të dashur miq,
do bëj gjithçka të mos zhgënjej askënd prej jush që besoni tek unë në kryerjen me sukses të detyrës së Ministrit të Brendshëm në Qeverinë e Kryeministrit Edi Rama duke i shërbyer me përulje çdo qytetari të Shqipërisë sonë.
Do mundohem t’i zhgënjej pozitivisht dhe ata që nuk më votuan sot në Kuvendin e Shqipërisë”. /tesheshi.com/
