Seanca plenare më e rëndësishmja ndoshta pas pavarësisë mblidhet sot në ora Kuvendit të 10.00 ku do të votojë sërish ngritjen e Gjykatës Speciale pas rreëzimit një muaj më parë.
Përpara se të nisë séance kreu i PDK-së, hashim Thaçi do të mbledhë në orën 09.00 grupin parlamentar në mënyrë që të sigurohet uniteti i të gjithë deputetëve. Ende nuk është vendosur se do të procedohet me votim të fshehtë apo të hapur.
Me gjithë bindjen e Qeverisë se nuk do të jenë problem numrat, Specialja nuk pritet të kalojë lehtë. Kjo pasi opozita nuk i ka përjashtuar as veprimet radikale për të penguar votimin e saj.
Kuvendi mban seancë me të vetmen pikë të rendit të ditës: Ri-procedimi i Propozim-Amendamentit numër 24 në Kushtetutën e Republikës së Kosovës, i propozuar nga Qeveria e Republikës së Kosovës.
Një ditë para votimit të Gjykatës Speciale në Kuvend, zyrtarë të Qeverisë kanë shfaqur shpresa në suksesin e kalimit të amendamentit, veprim i cili do të pasohet me procedimin e menjëhershëm të ligjit për dhomat e specializuara dhe ligjit që u jep mbështetje financiare të akuzuarve potencialë pranë Gjykatës Speciale.
“Nuk planifikohet dështimi, por suksesi”, ka thënë Besnik Berisha, ekspert këshilltar i kryeministrit Isa Mustafa. Ai ka treguar edhe për skenarin që do ta ndjekë Qeveria, në rast se Kuvendi miraton ndryshimet kushtetuese. Qysh gjatë ditës së hënë Qeveria do të mblidhet për ta riproceduar Ligjin për Dhomat e Specializuara dhe Prokurorin e Specializuar. Sipas Berishës, bashkë me të do të dërgohet edhe Projektligji për mbrojtjen juridike dhe mbështetjen financiare të personave të akuzuar potencialë në proceset gjyqësore pranë Dhomave të Specializuara. /tesheshi.com/
