Autoritetet në Arabinë Saudite liruan miliarderin saudito-etiopian Mohammed al-Amoudi, më shumë se një vit pasi ai, një manjat i njohur, u arrestua në një fushatë të diskutueshme anti-korrupsion ndërmarrë nga Princi i Kurorës Mohammed bin Salman.
Kryeministri etiopian Abiy Ahmed konfirmoi lirimin e Amoudit në Twitter të dielën, duke thënë se ai e kishte ngritur çështjen e tij me Princin bin Salman, gjatë një vizite në Riad në maj të vitit të kaluar.
Një zëdhënës i familjes tha për Reuters se Amoudi ishte kthyer në shtëpinë e tij në Jeddah.
Amoudi u arrestua në Hotelin Ritz-Carlton në Riad në nëntor 2017, së bashku me dhjetra princa, zyrtarë dhe biznesmenë, pasi MBS nisi një purgator të ashtuquajtur anti-korrupsion.
Të dyshuarit u arrestuan nën akuza për pastrim parash, ryshfet dhe abzuime.
Arrestimet erdhën si përgjigje nga “shfrytëzimit nga disa shpirtrave të vegjël që vënë interesat e tyre mbi interesin publik në mënyrë që të mbledhin para paligjshmërisht”, u tha në Dekretin Mbretëror të asaj kohe.
Shumica prej tyre u lë liruan kohë më pas duke bërë pakte me qeverinë, duke përfshirë biznesmenin dhe miliarderin Prince Alëaleed bin Talal, që para arrestimit vizitoi dhe Shqipërinë.
Lirimi i Amoudit dhe i disa biznesmenëve të tjerë javën e kaluar, erdhi pas reagimeve globale ndaj vrasjes së gazetarit saudit Jamal Khashogg dhe disa raportimeve të aktivistëve.
Amoudi, i lindur në Etiopi, është një investitor në ndërtim, energji, bujqësi, miniera, hotele, kujdes shëndetësor dhe prodhim.
Sipas Forbes, vitin e kaluar, pasuria e tij u vlerësua në 10.9 miliardë dollarë.
mund t’i jetë dorëzuar shtetit në këmbim të lirimit.
Autoritetet saudite nuk iu përgjigjën menjëherë një kërkese për koment.
Kryeprokurori i Shtetit të Arabisë Saudite, Shaikh Saud al-Moheb, tha në janar të vitit të kaluar se mbretëria kapi më shumë se 100 miliardë dollarë në marrëveshjet kundër korrupsionit. /tesheshi.com/
