Autoritetet saudite kanë nisur një hetim kundër dy gjyqtarëve të cilët nuk u ngritën kur intepretohej himni i shtetit në një nga ngjarjet zyrtare të Mbretërisë.
Zëdhënësi i Ministrisë së Drejtësisë, Mensur el-Kafari njoftoi në një deklaratë se ministri dhe njëherësh shefi i Këshillit të Lartë Gjyqësor, Velid bin Muhammed el-Sama’ani, bëri thirrje që të merren në pyetje dy gjyqtarë.
El-Kafari theksoi se “të qëndruarit në këmbë gjatë himnit kombëtar është shprehje e nderit dhe e respektit të simboleve shtetërore. Dhe kjo nuk është thjesht një zakon vendor, por një zakon i njohur në të gjithë botën, nëpërmjet të cilit qytetari në mënyrë eksplicite shpreh respektin dhe dashurinë për atdheun e tij”.
Pastaj ai shtoi: “Një marrëdhënie e tillë nuk do të tolerohet në asnjë rrethanë dhe është e papranueshme sjellja e ndonjë zyrtari nga institucionet gjyqësore që raportojnë mungesën e respektit për simbolet shtetërore dhe ngjarjet zyrtare”.
Zyrtari saudit nuk shpjegoi se cila ishte ngjarja zyrtare gjatë së cilës ndodhi dhe nuk pranoi të përmendte identitetin e dy gjyqtarëve. /tesheshi.com/
