Në përpjekjet të ethshme për t’u mbyllur dyert emigrantëve ekonomikë, Austria ka lajmëruar të hënën se listës së vendeve të sigurta të origjinës do t’u bashkohen dhe gjashtë të tjera.
Vendimi është marrë pas shqyrtimit të hollësishëm të situatës, sqaron Ministria e Brendshme austriake, dhe përfshin Algjerinë, Marokun, Tunizinë, Gjeorgjinë, Ganën dhe Mongolinë.
“Në rastet e emigrantëve ekonomikë, nevojiten sinjale të qarta se nuk ka mbrojtje për ta në Austri,” deklaroi drejtuesja më e lartë e Ministrisë së Brendshme, Johanna Mikl-Leitner.
Vendimi i mësipërm do të aprovohet në mbledhjen e sotme të qeverisë austriake. Maroku, Algjeria dhe Tunizia qenë futur dhe nga Gjermania muajin e shkuar në listën e vendeve të sigurta të origjinës.
Me këtë vendim, qytetarët e këtyre vendeve do ta kenë thuajse të pamundur ta fitojnë të drejtën e azilit në Austri.
Austria është përballur me një numër të madh kërkesash për azil vitin e shkuar, e po bën përpjekjet maksimale për ta zvogëluar numrin e tyre, duke i shkurajuar më së pari emigrantët ekonomikë. /tesheshi.com/
