Vetëm disa orë pas deklaratave të Kryeministrit shqiptar Edi Rama në konferencën e përbashkët me homologun e tij serb në Tiranë, ku midis tjerash përsa i përket marrëdhënieve me Greqinë ka theksuar se “me Athinën Shqipëria nuk negocion interesin kombëtar”, ka ardhur edhe pergjigjja e Ministrisë së Jashtme greke.
Siç lexohet në faqen zyrtare të saj, zëdhënësi i këtij institucioni Kosstandinos Kutras, është përgjigjur se “udhëheqja politike e vendit mik dhe fqinj, zhvlerësohet gjithnjë e më shumë me vepra dhe fjalë, çdo ditë”.
“Kthimi i arsyes dhe i respektimit të ligjshmërisë dhe të drejtës ndërkombëtare është rruga më e sigurt për përspektivën europiane të Shqipërisë. Asnjë koment më tej”, – përfundon deklarata.
Gjithashtu vizita e Vuçiç, por më shumë deklaratat e kryeministrit shqiptar, janë pasqyruar në të gjitha mediet greke që kanë ndjekur me interes të veçantë zhvillimet nga Shqipëria.
/ Top Channel
