Orët e ardhshme janë kritike për shëndetin e kryeministrit sllovak Robert Fico, pas atentatit ndaj tij më herët këtë pasdite në qytetin Hadlova, në Sllovakinë qendrore.
Sipas përditësimit të siguruar nga faqja e tij zyrtare në Facebook, Fico “është qëlluar disa herë” dhe është dërguar me helikopter në spitalin “Roosevelt” në Banska Bystrica. “Sot është bërë një atentat ndaj Robert Ficos. Ai është qëlluar disa herë dhe i rrezikohet jeta. Ai aktualisht po transportohet me avion në Banská Bystrica sepse do të duhej shumë kohë për të arritur në Bratislavë dhe ka nevojë për ndërhyrje të menjëhershme. Orët e ardhshme do të tregojnë shumë”.
Sipas medias lokale HN, autori u identifikua një 71-vjeçar i quajtur Juraj C, ndërsa burimet thonë se ka qëlluar katër herë në drejtim të Ficos ku njëri prej tyre e ka plagosur në bark.
Më herët, një përfaqësues i spitalit në Hadlova, ku u dërgua fillimisht kryeministri sllovak, tha se “funksionet e tij jetësore” ishin stabilizuar, duke shtuar se ai ishte i vetëdijshëm përpara se të transferohej në një spital tjetër.
Si ndodhi atentati?
Kujtohet se të shtënat kanë ndodhur mesditën e së mërkurës menjëherë pas një takimi të qeverisë sllovake në qytetin Hadlova në Sllovakinë qendrore, rreth 180 kilometra jashtë Bratislavës, sipas asaj që raportoi agjencia TASR.
Sipas mediave sllovake, objektivi ishte kryeministri i vendit, Robert Fico, i cili u plagos teksa përshëndetej me mbështetësit jashtë “Shtëpisë së Kulturës” dhe u dërgua në spital. 59-vjeçari Fico dyshohet se është plagosur në bark, siç raporton Reuters, ndërsa sulmuesi është arrestuar menjëherë pas të shtënave, në afërsi të sheshit Hadlova.
⚡️⚡️⚡️ The first minutes after the attack on Robert #Fico – the prime minister's security guards evacuate him to his motorcade while eyewitnesses hold the shooter
According to preliminary information from Slovak media, Fico was shot multiple times. One to the abdomen, one to the… pic.twitter.com/vhcYPPjjlg
— NEXTA (@nexta_tv) May 15, 2024
Një dëshmitar i tha Reuters se dëgjoi disa të shtëna dhe pa një burrë të arrestuar nga policia.
“Kishte një turmë njerëzish që prisnin jashtë ndërtesës së mbledhjes dhe njëri prej tyre filloi të qëllonte. Ai është imobilizuar dhe arrestuar menjëherë nga rojet e sigurisë, ndërsa kryeministri është larguar nga vendi i ngjarjes. Sulmuesi dyshohet se kishte në shënjestër vetë kryeministrin”, tha një tjetër dëshmitar, duke shtuar se janë qëlluar dy të shtëna.
BREAKING: Eyewitnesses heard three or four shots after a meeting of the Slovak Cabinet of Ministers when Robert Fico appeared in public.
Slovak media report that the prime minister is being taken to the hospital.
The video presumably shows the moment the attacker was detained. https://t.co/k0z72lBNyS pic.twitter.com/1VcQr3pl4P
— The General (@GeneralMCNews) May 15, 2024
Kush është Robert Fico?
Robert Fico është president i partisë komuniste “Drejtimi – Social Demokracia Sllovake” që dallohet për retorikën e tij proruse dhe antiperëndimore.
Karriera e tij politike filloi në vitet 1990 dhe që atëherë ai ka zënë poste të ndryshme të rëndësishme, duke përfshirë atë të kryeministrit të Sllovakisë në tre mandate të ndryshme: 2006-2010, 2012-2018 dhe përsëri nga viti 2023 e deri më sot.
Fico është i njohur për qëndrimet e tij populiste dhe aftësinë për të lundruar në ujërat komplekse politike të Sllovakisë, duke mbajtur një rekord mbresëlënës si kryeministri më jetëgjatë në historinë e vendit.
Megjithatë, mandati i tij nuk ka qenë pa polemika, duke përfshirë akuzat për korrupsion dhe përfshirje në kriza politike, si kriza e shkaktuar nga vrasja e gazetarit Ján Kuciak, e cila çoi në dorëheqjen e qeverisë së tij në 2018.
Me retorikën e tij të ekstremit të djathtë, ai arriti të rifitonte besimin e elektoratit, duke u rikthyer në postin e kryeministrit në vitin 2023. /tesheshi.com/
